Tag: អាមេរិក

យើងសង្កេតឃើញថាភ្លាមៗក្រោយពីបាតុកររាប់ពាន់នាក់ត្រូវបានបាញ់សម្លាប់ដោយឆ្មាំសន្តិសុខអ៊ីរ៉ង់ ក្នុងការតវ៉ាដ៏ធំទាញទម្លាក់របបផ្ដាច់ការនៅអ៊ីរ៉ង់ហើយការតវ៉ាកំពុងបន្ត សហរដ្ឋអាមេរិកនៃរដ្ឋការលោកត្រាំចេញមុខខ្លាំងណាស់ដោយផែនការវាយប្រហារលើគោលដៅរបស់កងទ័ពអ៊ីរ៉ង់ដែលលោកត្រាំជាប្រតិបត្តិការការពារសេរីភាពរបស់ប្រជាជនអ៊ីរ៉ង់។បន្ថែមលើសពីនេះ អាមេរិកកំពុងធ្វើចលនាកងទ័ព និងសព្វាវុធនៅតំបន់មជ្ឈិមបូព៌ាដើម្បីត្រៀមរៀបចំអន្តរាគមន៍ជួយបាតុករ បើលោកត្រាំនៅតែមើលឃើញបាតុករបន្តស្លាប់ច្រើនរយនាក់ជារៀងរាល់ថៃ្ង ជាពិសេសលោកត្រាំប្រឆាំងដាក់ខាតការប្រហារជីវិតបាតុករ។ ក្នុងសំណុំរឿងនេះពិភពលោកកំពុងបារម្ភថាបើបាតុករនៅតែតវ៉ាដាក់ផែនការទំលាក់របបសាធារណរដ្ឋឥស្លាមអ៊ីរ៉ង់ គឺបាញ់សម្លាប់បាតុករដោយកងឆ្មាំសន្តិសុខអ៊ីរ៉ង់នៅតែបន្ត ។ ក្នុងស្ថានភាពនេះហើយដែលអាមេរិកកំពុងធ្វើចលនាកងទ័ពនិងសព្វាវុធ នៅតំបន់មជ្ឈិមបូព៌ា ត្រៀមវាយប្រហារអ៊ីរ់ង់។ ដោយបារម្ភដូចនេះ យើងសង្កេតឃើញក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំរបស់ខ្លួន។ក្នុងប្រជុំពិសេសនេះ បានប្រព្រឹត្តទៅក្នុងបរិយាកាសដ៏តានតឹងដោយភាគីនិយមួយប្រកាន់ភាពខ្លាំងនិងត្រឹមត្រូវរបស់ខ្លួនជានិច្ច។ ដូច្នេះ ក្រុមងារងារ7s-info បានធ្វើការស្រាវជ្រាវ និងសូមង្ហាញទស្សនៈខ្លះៗ ជុំវិញភាពតានតឹងនៅនៅកិច្ចប្រជុំពិសេសនៃក្រុមប្រឹក្សាសន្តិសុខអង្គការសហប្រជាជាជាតិក្នុងសំណុំរឿងមហាបាតុករកម្មនៅអ៊ីរ៉ង់ដែលសហរដ្ឋអាមេរិកត្រៀមអន្តរជាតិជួយបាតុករទម្លាក់របបសាធារណរដ្ឋឥស្លាមអ៊ីរ៉ង់ដែលពួកបស្ចឹមប្រទេសហៅថាជាកំពូលរបបផ្ដាច់ការនៅសេសសល់ចុងក្រោយនៅមជ្ឈិមបូព៌ាចាប់តាំងបដិវត្តន៍ផ្ការីកពិភពអារ៉ាប់នៅឆ្នាំ២០១១មកនោះ។ដើម្បីជ្រាប សូមអស់លោក លោកស្រី មកតាមរយៈការធ្វើសេចក្ដីរាយការណ៍និងការកត់សំគាល់ របស់លោកនួនបូរិន មានដូចតទៅនេះ៖ 🔊 ចុចលើវីដេអូ ដើម្បីបើកសំឡេង

ចារកម្មអ៊ីស្រាអែលបានអះអាងថាអាមេរិកនឹងវាយលើអ៊ីរ៉ង់នៅប៉ុន្មានថ្ងៃខាងមុខទៀតនេះតែសម្រាប់អ្នកវិភាគភូមិសាស្ដ្រនយោបាយនិងយោធាបានលើកឡើងថាកងកម្លាំងអ៊ីស្រាអែលនឹងវាយបើកផ្លូវកងទ័ពអាមេរិក។ តាមការបញ្ចេញព័ត៌មានដោយក្រុមចារកម្មអ៊ីស្រាអែលបានឱ្យដឹងថា សហរដ្ឋអាមេរិកនៃរដ្ឋការលោកដូ ណាល់ត្រាំអាចនឹងបើកការវាយប្រហារលើអ៊ីរ៉ង់ក្នុងរយៈពេលប៉ុន្មានថ្ងៃទៀតនេះ។ បើតាមរបាយការណ៍របស់ចារកម្មអ៊ីស្រាអែលក៏បានបញ្ជាក់ទៀតថា មុននឹងបើកការវាយប្រហារទៅលើអ៊ីរ៉ង់ សហរដ្ឋអាមេរិកនឹងផ្តល់ដំណឹងទៅកាន់អ៊ីស្រាអែល ខណៈក៏មានការលើកឡើងថាអ៊ីស្រាអែលនឹងបើកការវាយប្រហារមុនទៅលើអ៊ីរ៉ង់ដើម្បីបើកផ្លូវដល់កងទ័ពអាមេរិកវាយប្រហារចូលទឹកដីអ៊ីរ៉ង់តាមក្រោយ។ 🔊 ចុចលើវីដេអូ ដើម្បីបើកសំឡេង មន្ត្រីអ៊ីស្រាអែលបានដាក់ក្តីរំពឹងថា ការវាយប្រហាររបស់កងទ័ពសហរដ្ឋអាមេរិកនឹងរួមបញ្ចូលគ្នាជាមួយនឹងការវាយប្រហារដើម្បីផ្តួលរំលំរបបដឹកនាំអាយ៉ាតូឡា អាលី ខេមីណៃ និងការវាយប្រហារតាមអ៊ីនធើណេតរបស់អ៊ីរ៉ង់។ នៅខណៈនេះអ៊ីស្រាអែលបានរៀបចំរួចស្រេចហើយនូវអង្គភាពសន្តិសុខនៅតាមព្រំដែនរបស់ខ្លួន ដើម្បីធ្វើការតានដាននិងឃ្លាំមើលសកម្មភាពណាមួយដែលអ៊ីស្រាអែលអាចនឹងបើកការវាយប្រហារឆ្លើយតប ប្រសិនបើអាមេរិកត្រូវការអន្តរាគមន៍ពីកងទ័ពអ៊ីស្រាអែល។ ជាមួយគ្នានេះរបាយការណ៍ស៊ើបអង្កេតក៏បានបញ្ជាក់ឱ្យដឹងថា រដ្ឋមន្ត្រីការបរទេសអ៊ីស្រាអែល Gideon Sa'ar នៅពេលនេះកំពុងធ្វើទស្សនកិច្ចនៅទីក្រុង Abu Dhabi នៃសហព័ន្ធអារ៉ាប់ ដើម្បីបើកកិច្ចប្រជុំជាសម្ងាត់ជាមួយសមភាគីអារ៉ាប់របស់ខ្លួនគឺរដ្ឋមន្ត្រីការបរទេស Abdullah bin ...

សហរដ្ឋអាមេរិកត្រូវបានគេដឹងថា មានមូលដ្ឋានយោធាជាច្រើននៅតំបន់មជ្ឈិមបូព៌ាដែលគេមើលឃើញថាវាជាការបង្ហាញអំណាចយោធារបស់ខ្លួនជាយុទ្ធសាស្ត្រនៅក្នុងតំបន់នេះ។ មូលដ្ឋានយោធាអាមេរិកទាំងនោះមានទីតាំងស្ថិតនៅប្រទេសមួយចំនួននៅក្នុងតំបន់មជ្ឈិមបូព៌ាដូចជា ប្រទេសបារ៉ែន ប្រទេសកាតា គុយវ៉ែត សហព័ន្ធអារ៉ាប់រួម អ៊ីរ៉ាក់ ហ្សកដានី និងតួកគីជាដើម។បារ៉ែនគឺជាទីស្នាក់ការកណ្តាលនៃកងនាវាទី៥នៃកងទ័ពជើងទឹកសហរដ្ឋអាមេរិកដែលកងទ័ពអាមេរិកដែលប្រចាំការនៅទីនោះមានតួនាទីទទួលខុសត្រូវលើការឃ្លាំមើលបញ្ហាសន្តិសុខនៅសមុទ្រក្រហម សមុទ្រអារ៉ាប់ និងផ្នែកខ្លះនៃសមុទ្រឥណ្ឌា។ សម្រាប់ប្រទេសកាតា អាមេរិកបានបោះទីតាំងមូលដ្ឋានទ័ពអាកាសរបស់ខ្លួនមានឈ្មោះថា Al-Udeid ដែលមូលដ្ឋានយោធានេះមានទំហំរហូតដល់៥៩ហិកតា ស្ថិតនៅវាលលំហខ្សាច់ខាងក្រៅនៃរដ្ឋធានីដូហា។ មូលដ្ឋានទ័ពអាកាសនេះបានបម្រើការជាទីបញ្ជាការសម្រាប់កងទ័ពអាមេរិកធ្វើប្រតិបត្តិការលាតសន្ធឹងពីអេហ្ស៊ីបភាគខាងលិចរហូតដល់កាហ្សាក់ស្ថានភាគខាងកើត។ កងទ័ពអាមេរិកដែលប្រចាំការនៅមូលដ្ឋានទ័ពអាកាស Al-Udeid ត្រូវបានគេដឹងថាមានចំនួនជាង១០០០០នាក់ ហើយថ្មីៗនេះបើតតាមបញ្ជាការកណ្តាលអាមេរិកក៏បានឱ្យដឹងថាដៃគូក្នុងតំបន់បានបើកការសម្រមសម្រួលថ្មីមួយទៀតនៅឯមូលដ្ឋានទ័ពអាកាស Al-Udeid ក្នុងគោលបំណងពង្រឹងការការពារដែនអាកាសនិងមីស៊ីលរួមគ្នា។ សម្រាប់គុយវ៉ែត អាមេរិកក៏មានមូលដ្ឋានយោធា Camp Arifjan ដែលបម្រើតួនាទីជាទីស្នាក់ការកណ្តាលជួរមុខ និងមូលដ្ឋានទ័ពអាកាស ...

សហរដ្ឋអាមេរិកជម្លៀសបុគ្គលិកយោធាចេញពីមូលដ្ឋានដែនអាកាសនៅកាតា-លទ្ធភាពវាយប្រហារអ៊ីរ៉ង់ខ្ពស់ សហរដ្ឋអាមេរិកចាប់ផ្តើមជម្លៀសបុគ្គលិកយោធារបស់ខ្លួនរាប់រយនាក់ចេញពីមូលដ្ឋានទ័ពអាកាស Al Udeid ដែលជាមូលដ្ឋានទ័ពដ៏ធំបំផុតរបស់ខ្លួននៅមជ្ឈិមបូព៌ា។ ការដកបុគ្គលិកយោធាខ្លះចេញមូលដ្ឋានយោធានេះត្រូវបានគេមើលឃើញថា អាមេរិកទំនងជាបើកការវាយប្រហារយោធាចូលទឹកដីអ៊ីរ៉ង់ដោយជៀសពុំរួច ខណៈប្រធានាធិបតីអាមេរិកលោក ដូណាល់ ត្រាំ បានសច្ចារួចហើយថានឹងធ្វើអន្តរាគមន៍យោធាចូលទៅក្នុងប្រទេសអ៊ីរ៉ង់ដើម្បីជួយបាតុករផ្តួលរំលំរបបដឹកនាំផ្តាច់ការរបស់លោកអាយ៉ាតូឡា អាលី ខេមីណៃ។ យោងតាមប្រភពព័ត៌មានអន្ដរជាតិធំៗបានឱ្យដឹងនៅថ្ងៃទី១៤ ខែមករា ២០២៦នេះថា មូលហេតុដែលបុគ្គលិកទ័ពអាមេរិកដែលប្រចាំការនៅមូលដ្ឋានទ័ពអាកាសក្នុងប្រទេសកាតាកំពុងធ្វើការផ្លាស់ទីទៅកាន់ទីតាំងផ្សេងទៀតក្នុងតំបន់ ដើម្បីឱ្យធានា សុវត្ថិភាព ករណីដែលអាមេរិកអាចនឹងប្រើកម្លាំងយោធាវាយប្រហារទៅលើអ៊ីរ៉ង់ ហើយអ៊ីរ៉ង់ឆ្លើយតបវិញលើមូលដ្ឋានយោធារបស់ខ្លួននៅក្នុងប្រទេសនៃតំបន់មជ្ឈិមបូព៌ាមួយនេះ។ ជាមួយគ្នានេះ រដ្ឋាភិបាលកាតាក៏បានបញ្ជាក់ថា ការសម្រួលបុគ្គលិកយោធានេះគឺ ឆ្លុះបញ្ចាំងភាពតានតឹងកើនឡើងក្នុងតំបន់ ។ បន្ថែមពីនេះស្ថានទូតអាមេរិកនៅមជ្ឈឹមបូព៌ាបានផ្ញើសារ ព្រមានទៅ ពលរដ្ឋអាមេរិកឲ្យ ប្រុងប្រយ័ត្នខ្ពស់ ...

ក្រសួងការបរទេសអាមេរិកទទូចឱ្យពលរដ្ឋរបស់ខ្លួនត្រូវចាកចេញពីប្រទេសអ៊ីរ៉ង់ជាបន្ទាន់ខណៈលោកត្រាំអាចនឹងបញ្ជាទ័ពអាមេរិកជួយបាតុករ នៅខណៈនេះក្រសួងការបរទេសអាមេរិកបានប្រកាសទទូចឱ្យពលរដ្ឋរបស់ខ្លួនដែលរស់នៅលើទឹកដីអ៊ីរ៉ង់ប្រញាប់ប្រញាល់ចាកចេញពីប្រទេសនេះជាបន្ទាន់ចាប់ពីយប់ថ្ងៃទី១៣ដល់ថ្ងៃទី១៦មករានេះ ខណៈលោកដូ ណាល់ត្រាំបានព្រមានថាអាមេរិកអាចនឹងបញ្ជាទ័ពឱ្យបើកការវាយប្រហារចូលទៅក្នុងទឹកដីអ៊ីរ៉ង់ដើម្បីជួយបាតុករផ្តួលរំលំរបបផ្តាច់ការអាយ៉ាតូឡា អាលី ខេមីណៃ។ ការប្រកាសរបស់ក្រសួងការបរទេសអាមេរិកក៏កើតឡើង ស្របពេលដែលអ៊ីរ៉ង់កំពុងស្ថិតក្នុងស្ថានការណ៍ចលាចលដោយកម្លាំងរុញច្រានរបស់ប្រជាជន និងការសម្លាប់យ៉ាងព្រៃផ្សៃនៃរបបផ្តាច់ការសាធារណរដ្ឋអ៊ីស្លាមអ៊ីរ៉ង់ទៅលើបាតុករដែលមកទល់ពេលនេះមានសេចក្តីរាយការណ៍មកថាបាតុករនៅអ៊ីរ៉ង់បានស្លាប់កើនឡើងជាង១២០០០នាក់ហើយ។ https://youtu.be/8krPPmQLNZc