មេបញ្ជាការនៃកងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានព្រមានសហរដ្ឋអាមេរិក អ៊ីស្រាអែល និងក្រុមដែលចោទថាជាទាហានស៊ីឈ្នួល Daesh ថា ការវាយប្រហារណាមួយមកលើអ៊ីរ៉ង់នឹងរងការឆ្លើយតបយ៉ាងធ្ងន់ធ្ងរនិងឆាប់រហ័ស។
Thank you for reading this post, don't forget to subscribe!
នៅក្នុងសេចក្តីថ្លែងការណ៍មួយ លោកឧត្តមសេនីយ៍ឯក Mohammad Pakpour បាននិយាយថា កងកម្លាំងនៃកងឆ្មាំបដិវត្តន៍អ៊ីស្លាមអ៊ីរ៉ង់នៅតែត្រៀមសង្គ្រាមក្នុងកម្រិតខ្ពស់បំផុតដើម្បីប្រឆាំងផែនការណាមួយ ដែលរៀបចំឡើងដោយសេតវិមាន និងទីក្រុង Tel Aviv។លោកឧត្តមសេនីយ៍ Pakpour បានពិពណ៌នាអំពីអ្នកដែលនៅពីក្រោយភាពចលាចលដែលកំពុងកើតឡើងថ្មីៗនេះថាជា «ទាហានស៊ីឈ្នួលបែប Daesh» ដែលធ្វើប្រតិបត្តិការក្រោមការដឹកនាំរបស់មហាអំណាចបរទេស។
ឧត្តមសេនីយ៍ Pakpour បានមានប្រសាសន៍ថា “កងកម្លាំង IRGC ដ៏មានអំណាច កំពុងស្ថិតក្នុងកម្រិតកំពូលនៃការត្រៀមខ្លួនរួចជាស្រេច ដើម្បីផ្តល់ការឆ្លើយតបដ៏ម៉ឺងម៉ាត់ ចំពោះការគិតខុសដោយសត្រូវខាងក្រៅ និងទាហានស៊ីឈ្នួលក្នុងស្រុកបែប Daesh របស់ពួកគេ”។លោកក៏បាននិយាយបន្ថែមថា«ដោយពឹងផ្អែកលើព្រះដ៏មានឫទ្ធានុភាព ក្រោមការដឹកនាំរបស់មេដឹកនាំ និងតាមរយៈឯកភាពដ៏ពិសិដ្ឋរបស់ប្រជាជាតិអ៊ីរ៉ង់ យើងនឹងបំបាក់ចោលនូវផែនការរបស់អ្នកគ្រប់គ្រងនៅក្នុងសេតវិមាន និងទីក្រុងតែលអាវីវ ប្រឆាំងនឹង រដ្ឋអ៊ីរ៉ង់ដ៏រឹងមាំរបស់យើង។
លោកមេបញ្ជាការ IRGC បានកំណត់អត្តសញ្ញាណប្រធានាធិបតីអាមេរិក ដូណាល់ ត្រាំ និងនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ ថាជាជនដែលផ្ដើមការបង្ហូរឈាមក្នុងពេលថ្មីៗនេះ ដោយលោកបាននិយាយថា «ឧក្រិដ្ឋកម្មដ៏ឃោរឃៅ» របស់ពួកគេនៅទូទាំងប្រទេសអ៊ីរ៉ង់នឹងមិនបំភ្លេចបាននោះឡើយ ហើយនឹងត្រូវបានសងសឹកនៅពេលវេលាសមស្រប» ។
លោកឧត្តមសេនីយ៍ Pakpour ក៏បានសម្តែងការគោរពចំពោះការជួបជុំដ៏ធំរបស់បាតុករគាំទ្ររដ្ឋាភិបាលសាធារណរដ្ឋអ៊ីស្លាមអ៉ីរ៉ង់ ដែលបានធ្វើឡើងនៅថ្ងៃទី 12 ខែមករា ដោយលើកសរសើរថា« យល់ដឹងនិងមានភាពក្លាហានរបស់ប្រជាជនអ៊ីរ៉ង់ដែលឈររួមគ្នា។លោកបានមានប្រសាសន៍ថា ការចូលរួមពីសាធារណជនយ៉ាងច្រើនកុះករក្នុងពិធីបុណ្យសព កងកម្លាំងនៃជាតិសាសន៍យើង បានឆ្លុះបញ្ចាំងពីសេចក្តីថ្លៃថ្នូរដ៏រឹងមាំរបស់ប្រទេសជាតិ និងការបដិសេធយ៉ាងម៉ឺងម៉ាត់ ក្នុងការចុះចូលនឹងសម្ពាធខាងក្រៅ និងអំពើភេរវកម្មដែលគាំទ្រដោយរដ្ឋបរទេស។
ទីក្រុងមួយចំនួនរបស់អ៊ីរ៉ង់ បានក្លាយជាកន្លែងនៃការបះបោរដែលគាំទ្រដោយបរទេសក្នុងរយៈពេលប៉ុន្មានថ្ងៃកន្លងមកនេះ ដោយបានបំផ្លាញទ្រព្យសម្បត្តិសាធារណៈ និងបណ្តាលឱ្យកងកម្លាំងសន្តិសុខ និងជនស៊ីវិលមួយចំនួនស្លាប់។មន្ត្រីប៉ូលីសអ៊ីរ៉ង់និយាយថា ពួកគេបានបង្ហាញការអត់ធ្មត់ជាអតិបរមាចំពោះកុបកម្ម ហើយព្យាយាមយ៉ាងខ្លាំងដើម្បីបំបែកបាតុករទាំងនោះដោយមានការព្រួយបារម្ភអំពីសកម្មភាពកើនឡើងរបស់ភេរវករទាំង នោះវាយប្រហារមកលើកងកម្លាំងសន្តិសុខរបស់យើង។
ក្នុងរយៈពេលប៉ុន្មានថ្ងៃកន្លងមកនេះ លោក Trump បានគំរាមម្តងហើយម្តងទៀតថានឹងវាយប្រហារអ៊ីរ៉ង់ ប្រសិនបើប្រទេសនេះសម្លាប់អ្វីដែលលោកហៅថាជា “អ្នកតវ៉ាដោយសន្តិវិធី“។
