មន្ត្រីអ៊ុយក្រែនបាននិយាយក្នុងថ្ងៃពុធនេះថា កងកម្លាំងរុស្ស៊ីបានបើកការវាយប្រហារពេញមួយយប់ដោយប្រើប្រាស់មីស៊ីលផ្លោង និងយន្តហោះគ្មានមនុស្សបើកជាង ចំនួន120 ដោយបានសម្លាប់មនុស្សយ៉ាងហោចណាស់ម្នាក់នៅក្នុងទីក្រុង Kyiv ។
អភិបាលក្រុង Kyiv លោក Vitali Klitschko បាននិយាយនៅលើបណ្ដាញសង្គម Telegram ថា មនុស្សបីនាក់ផ្សេងទៀតក៏ត្រូវបានរងរបួសពីការវាយប្រហារនេះផងដែរ។
សេវាសង្គ្រោះបន្ទាន់នៅទីក្រុង Kyiv បានរាយការណ៍ពីអគ្គីភ័យ និងការខូចខាតផ្សេងទៀតនៅឯអគារក្នុងសង្កាត់ចំនួនបួនក្នុងទីក្រុងគៀវ។
យោធាអ៊ុយក្រែនបាននិយាយថា រុស្ស៊ីក៏បានបញ្ចេញមីស៊ីលវាយប្រហារលើ ទីក្រុង Kryvyi Rih ដែលមានទីតាំងក្នុងតំបន់ Dnipropetrovsk ផងដែរ។
អភិបាលតំបន់ លោក Serhiy Lysak បាននិយាយថា ការវាយប្រហាររបស់រុស្ស៊ី បានបំផ្លាញសាលារៀន សណ្ឋាគារ អគាររដ្ឋបាល និងអគារផ្ទះល្វែងចំនួនបីកន្លែង។
តាមរបាយការណ៍របស់កងទ័ពអាកាសអ៊ុយក្រែនបាននិយាយថា កងកម្លាំងរបស់ខ្លួនបានបាញ់ទម្លាក់មីស៊ីលចំនួន 6 គ្រាប់ និង ដ្រូនចំនួន71 គ្រឿងក្នុងចំណោមដ្រូនចំនួន 123 គ្រឿង ដែលកងកម្លាំងរុស្ស៊ីបានបញ្ចេញឲ្យវាយប្រហារតាមអាកាស។
ការស្ទាក់បាញ់ទម្លាក់ យន្តហោះគ្មានមនុស្សបើករបស់រុស្ស៊ីបានធ្វើឡើងនៅ តំបន់ Cherkasy, Chernihiv, Dnipropetrovsk, Kharkiv, Kherson, Kirovohrad, Kyiv, Mykolaiv, Poltava, Sumy និង Zhytomyr ។
ប្រធានាធិបតីអ៊ុយក្រែនលោក Volodymyr Zelenskyy បានបង្ហោះសារ ក្នុងបណ្ដាញសង្គម Telegram ថា "លោក Putin មិនបានសម្របសម្រួលស្ថានការណ៍សង្គ្រាមដើម្បីធ្វើកិច្ចព្រមព្រៀងសន្តិភាពណាមួយទេ - គាត់បន្តសម្លាប់ជនជាតិអ៊ុយក្រែន និងបំផ្លាញទីក្រុងរបស់អ៊ុយក្រែន" ។ "ឥឡូវនេះ យើងត្រូវការការរួបរួម និងការគាំទ្រពីសម្ព័ន្ធមិត្តរបស់យើងទាំងអស់ក្នុងការប្រយុទ្ធបញ្ចប់សង្រ្គាមមួយនេះ"។
ចុចមើលវីដេអូព័ត៌មាននេះ៖ https://youtu.be/FIU9NNUth9g